Türkmenistanyň Garaşsyzlygynyň 34 ýyllygyny belläp geçýän häzirki döwürde, ýurdumyz gysga wagtyň dowamynda halkara giňişlikde demokratik, dünýewi we hukuk ýörelgelerine esaslanýan döwlet hökmünde uly abraýa eýe boldy. Bu üstünlikler ýurdumyzdaky döwlet syýasatynyň baş ugruny emele getirýän hemişelik Bitaraplyk statusynyň çäginde gazanyldy.

Berkarar döwletiň täze eýýamynyň Galkynyşy döwründe Türkmenistan, dünýäde parahatçylygyň, özara düşünişmegiň we durnukly ösüşiň üpjün edilmegine gönükdirilen halkara başlangyçlaryny öňe sürýär. Bu başlangyçlaryň esasynda durnuklylygy we hyzmatdaşlygy esas edinen daşary syýasat ýörelgeleri durýar.

Türkmenistanyň hemişelik Bitaraplyk hukuk ýagdaýy — BMG-niň Baş Assambleýasynyň üç gezek ykrar eden çözgütleri bilen — ýurdumyzyň dünýäde parahatçylyk döredijilikli ornuny has-da berkidýär. Bu hukuk ýagdaýy Türkmenistanyň sebitde we dünýäde ygtybarly hyzmatdaş hökmünde çykyş etmegine giň ýol açýar.

Hemişelik Bitaraplyk bilen öňüni alyş diplomatiýasy Türkmenistanyň daşary syýasatynyň aýrylmaz sütünleri bolup durýar. Bu iki ýörelgäniň utgaşyklylygy ýurtlaryň arasyndaky gatnaşyklarda ynanyşmagy we dialogy ösdürmekde möhüm rol oýnaýar. Türkmenistan beýleki ýurtlaryň içerki işlerine goşulmazlyk, deňhukukly hyzmatdaşlyk hem-de özara hormat ýörelgelerine berk eýerýär.

Häzirki wagtda hormatly Prezident Serdar Berdimuhamedow tarapyndan alnyp barylýan döwlet syýasaty hem hemişelik Bitaraplygyň halkara hukuk derejesine hem-de onuň prinsiplerine doly laýyk gelýär. Bu syýasat diňe bir içerki durnuklylygy üpjün etmek bilen çäklenmän, eýsem halkara giňişlikde hem ynanyşmagyň we hyzmatdaşlygyň pugtalandyrylmagyna gönükdirilýär.

Türkmenistanyň daşary syýasy strategiýasy dünýäde energiýa, ulag we maýa goýum hyzmatdaşlygyny ösdürmek arkaly giň gerimli hyzmatdaşlyklary ösdürmäge gönükdirilendir. Munuň bilen bir hatarda, Türkmenistan Birleşen Milletler Guramasy bilen işjeň hyzmatdaşlygyny dowam etdirýär. Türkmenistanyň başlangyjy bilen BMG-niň Baş Assambleýasynyň birnäçe Kararnamalary kabul etmegi — halkara jemgyýetçiliginiň ýurdumyza bolan ynamynyň aýdyň subutnamasydyr.

Hususan-da, şu ýylyň mart aýynda Türkmenistanyň başlangyjy bilen BMG-niň Baş Assambleýasy tarapyndan “Türkmenistanyň hemişelik Bitaraplygy” atly Kararnamanyň üçünji gezek biragyzdan kabul edilmegi ýurdumyzyň bitaraplyk diplomatiýasynyň halkara derejesinde giňden kabul edilýändigini görkezýär.

Türkmenistanyň dünýäde parahatçylygyň we ynanyşmagyň dabaralanmagyna goşýan mynasyp goşandy, hemişelik Bitaraplyk syýasatynyň üstünlikli durmuşa geçirilýändiginiň aýdyň subutnamasydyr. Bu ýörelgeler esasynda ýurdumyzyň daşary syýasaty geljekde hem öz durnukly we netijeli uguryny dowam etdirer.

Mollaýewa Gülruh,

“Türkmennebit” DK-niň Işgärler we hukuk müdirliginiň Işgärler bölümi, baş hünärme