Saud Arabystany Patyşalygynyň Er-Riýad şäherinde 23-27-nji noýabrynda geçirilýän Birleşen Milletler Guramasynyň Senagat Ösüş Guramasynyň (UNIDO) 21-nji Baş konferensiýasyna Türkmenistanyň Senagat we gurluşyk önümçiligi ministri Toýguly Nurowyň ýolbaşçylygyndaky wekiliýet gatnaşýar. Bu barada Türkmenistanyň DIM-niň web-saýtynda habar berilýär.

Hökümetlerden, hususy pudakdan we raýat jemgyýetinden gelen wekiller senagat ösüşiniň howanyň üýtgemeginden we azyk ýetmezçiliginden başlap, dünýäniň ýurtlaryna we işçilere deň derejede peýda berip biljek üpjünçilik zynjyrlaryny döretmäge çenli iň möhüm global kynçylyklary çözmäge nähili kömek edip biljekdigini ara alyp maslahatlaşýarlar.

Şu hepdäniň ahyryna çenli 21-nji Baş Konferensiýanyň UNIDO-nyň indiki iki ýylda alyp barýan işine täsir etjek kararlary kabul etmegine garaşylýar. Bu kararlar senagat pudagynyň has ýaşyl, has adalatly we has durnukly dünýäni gurmaga nähili goşant goşýandygyna täsir edip biler.