Geçen hepdede Türkmenistanyň Döwlet haryt çig mal biržasynda umumy bahasy ABŞ-nyň 23 million 146 müň dollaryndan gowrak bolan jemi 24 geleşik hasaba alyndy.

Ýurdumyzyň nebithimiýa we nebitgaz toplumynyň önümleri — Türkmenbaşydaky nebiti gaýtadan işleýän zawodlar toplumynda öndürilýän uçar kerosini, «Türkmenhimiýa» döwlet konserninde öndürilýän tehniki uglerod we Türkmenbaşydaky Nebiti gaýtadan işleýän zawodlar toplumynda öndürilýän polipropilen Türkiýäniň, Owganystanyň, Birleşen Arap Emirlikleriniň we ABŞ-nyň işewürleri tarapyndan satyn alyndy.