Türkmenistanyň wekiliýeti Gyrgyzystan Respublikasynyň Bişkek şäherinde geçirilen Merkezi Aziýada uýgunlaşmagy meýilleşdirmek we uýgunlaşmagy maliýeleşdirmek boýunça «PreCOP29» sebit maslahatyna gatnaşdy.

Çäre Merkezi Aziýa ýurtlarynyň wekilleri üçin Azerbaýjanda geçiriljek howanyň üýtgemeginiň täsirlerine garşy göreşmek we BMG-niň Howanyň üýtgemegi baradaky Çarçuwaly konwensiýasyna gatnaşyjy taraplaryň 29-njy maslahatyna (COP29) taýýarlygy barada pikir alyşmak üçin möhüm meýdança boldy.

Hususan-da, geljekki «COP29» üçin maglumat we gurluşly ýagdaýy habar bermek üçin Merkezi Aziýanyň umumy strategiýasyny işläp taýýarlamak meselesi ara alnyp maslahatlaşyldy. Şeýle hem oňa gatnaşyjylar milli, sebit we ählumumy howanyň maliýe arhitekturasyna esaslanýan howanyň maliýeleşdirilmeginiň mümkin bolan ugurlaryny kesgitlemek üçin tagallalary kesgitlediler. Çärä Gazagystanyň, Täjigistanyň we Özbegistanyň wekiliýetleri, halkara hyzmatdaşlary gatnaşdylar.

BMG-niň Howanyň üýtgemegi baradaky Çarçuwaly konwensiýasyna gatnaşyjy taraplaryň 29-njy maslahaty (COP29) Bakuda geçiriler. Bu barada karar geçen ýylyň 11-nji dekabrynda Dubaýda geçirilen BMG-niň Howanyň üýtgemegi baradaky Çarçuwaly konwensiýasyna gatnaşyjy taraplaryň 28-nji maslahatyna (COP28) kabul edildi. Azerbaýjan şu wagta çenli halkara çäreleriň ençemesini ýokary derejede geçirdi. Iki hepdäniň içinde Baku dünýäniň merkezine öwrüler we takmynan 70-80 müň daşary ýurtly myhmanlary kabul eder.

Çeşme: «Türkmenistan: Altyn asyr»