15-nji awgustda Türkmenistanyň futbol çempionatynyň 17-nji tapgyrynyň çäklerinde üç sany gyzykly oýun geçirildi. Toparlaryň hersi birinjilige bolan hyjuw we ajaýyp pursatlar bilen tapawutlandylar.
Merw - Aşgabat (1:2)
Duşuşyk Mary şäherindäki "Merw" stadionynda geçirildi. Oýnuň birinji ýarymynda Roman Galkiniň (17-nji minut) we Begmyrat Baewiň 33-nji minutdaky jerime urgusyndan geçiren gollary netijesinde Aşgabat öňdebaryjylygy eýeledi. Şöhrat Owmadow ikinji ýarymyň başynda (51-nji minut) aratapawudy azaltdy, ýöne Aşgabat birinjiligi elden bermedi.
Şagadam - Nebitçi (1:1)
Türkmenbaşydaky "Şagadam" stadionynda tomaşaçylar dartgynly oýuna şaýat boldular. Oýunyň birinji ýarymynda (24-nji minut) Baýramgeldi Nurlyýew "Nebitçini" öňe çykardy, ýöne birinji ýarymyň goşmaça wagtynda "Şagadam" futbol toparyndan Mekan Aşyrow jerime urgusyny üstünlikli ýerine ýetirip, hasaby deňledi. Oýunyň galan wagtynda toparlaryň hiç biri öňe saýlanyp bilmedi. Şeýlelikde, duşuşyk deň-deň tamamlandy.
Altyn Asyr - Arkadag (2:5)
Tapgyryň iň täsirli oýunlaryndan biri "Altyn Asyr" bilen "Arkadagyň" arasyndaky duşuşyk boldy. Aşgabatdaky duşuşykda "Arkadag" futbol kluby 5:2 hasabynda ýeňiş gazandy. Hoşgeldi Hojowowyň (60-njy minut) we Abdyrahman Annamyradowyň (42-nji minut) jerime urgusynyň netijesinde geçiren gollary, düzümunde Güýçmyrat Annagulyýew (18-nji minut), Begenç Akmämmedow (31-nji minut), Ahmet Ataýew (40-njy minut), Şanazar Tirkişow (45+1 minut), Didar Durdyýew (81-nji minut) tapawutlanan "Arkadagyň" hüjümini saklap bilmedi.
