{"tk":"

Düýn paýtagtymyzda telearagatna\u015fyk, telemetriýa, habar beri\u015f tilsimatlaryny\u0148 we teleradioýaýrady\u015f enjamlaryny\u0148 “Türkmentel — 2024” atly XVII halkara sergisi we ylmy maslahat öz i\u015fine ba\u015flady. Her ýyl geçirilýän bu halkara forum ýurdumyzda maglumat-kommunikasiýa tehnologiýalary boýunça iri çäreleri\u0148 biri bolmak bilen, ýokary tehnologiýalar, innowasiýalar, telekommunikasiýa ulgamlarynda ýetilen sepgitleri tany\u015fdyrmaga, tejribe aly\u015fmaga mümkinçilik döredýär.<\/p>\r\n\r\n

\u015eu gezekki foruma halkara guramalary\u0148, dünýäni\u0148 30-dan gowrak ýurdundan, \u015fol sanda Amerikany\u0148 Birle\u015fen \u015etatlaryndan, Awstriýadan, Azerbaýjandan, Beýik Britaniýadan, Birle\u015fen Arap Emirliklerinden, Estoniýadan, Eýrandan, Finlýandiýadan, Fransiýadan, Gazagystandan, Germaniýadan, Hytaýdan, Koreýa Respublikasyndan, Owganystandan, Russiýadan, Türkiýeden, \u015eweýsariýadan, Ukrainadan önüm öndüriji we programma üpjünçiligini taýýarlaýan, IT hyzmatlaryny amala a\u015fyrýan kompaniýalary\u0148, aragatna\u015fyk operatorlaryny\u0148 200-den gowragyny\u0148 ýolba\u015fçylarydyr wekilleri gatna\u015fýar. \u015eolary\u0148 hatarynda «Thales», «Nokia», «Huawei», «Amazon Project Kuiper», «DELL Technologies», «Delta Telecom Ltd», «Eastwind», «Eutelsat», «Honeywell», «Juniper Networks», «Samsung», «KT Corporation», «SpaceX» we beýlekiler bar. Bu gi\u0148 möçberli halkara foruma onlarça ýurdu\u0148 wekillerini\u0148, \u015fol sanda dünýä belli aragatna\u015fyk-tehnologik kompaniýalaryny\u0148 gatna\u015fmagy hormatly Prezidentimiz Serdar Berdimuhamedowy\u0148 parasatly ba\u015ftutanlygynda milli ykdysadyýetimizi innowasion esasda ösdürmegi ugur edinýän Türkmenistan bilen hyzmatda\u015flygy gi\u0148eltmäge uly gyzyklanma bildirilýändigine \u015faýatlyk edýär.<\/p>\r\n\r\n

“Türkmenistanda 2019 — 2025-nji ýyllarda sanly ykdysadyýeti ösdürmegi\u0148 Konsepsiýasyna” laýyklykda, milli ykdysadyýetimizi\u0148 pudaklary sanly ulgamy\u0148 esasynda ösdürilýär, olara dünýäni\u0148 ö\u0148debaryjy innowasion tehnologiýalarydyr tejribeleri i\u015fje\u0148 orna\u015fdyrylýar.<\/p>\r\n\r\n

...Söwda-senagat edarasyny\u0148 ö\u0148ündäki meýdançada ýerine ýetirilen aýdym-sazlar çärä baýramçylyk öwü\u015fginini çaýdy. Forumy\u0148 açyly\u015f dabarasyna Mejlisi\u0148 Ba\u015flygy, Ministrler Kabinetini\u0148 Ba\u015flygyny\u0148 orunbasarlary, ministrlikleri\u0148, pudaklaýyn dolandyry\u015f edaralaryny\u0148, ýurdumyzdaky diplomatik wekilhanalary\u0148 we halkara guramalary\u0148, jemgyýetçilik guramalaryny\u0148 ýolba\u015fçylarydyr wekilleri gatna\u015fdylar. Ýygnananlar hormatly Prezidentimiz Serdar Berdimuhamedowy\u0148 halkara sergä we ylmy maslahata gatna\u015fyjylara iberen Gutlagyny uly üns bilen di\u0148lediler.<\/p>\r\n\r\n

Gutlagda Berkarar döwleti\u0148 täze eýýamyny\u0148 Galkyny\u015fy döwründe Türkmenistany\u0148 öz çäginde halkara ähmiýetli optiki-süýümli magistral aragatna\u015fyk ulgamlaryny gurmak bilen, Beýik Ýüpek ýoluny\u0148 ulag-kommunikasion merkezini\u0148 wezipesini ýerine ýetirýändigi bellenilýär. Bu taslamalar di\u0148e bir Merkezi Aziýa sebitinde däl, eýsem, Gündogar — Günbatar, Demirgazyk — Günorta ugurlary boýunça üsta\u015fyr ulgamlary\u0148 wajyp \u015fahasy bolup, go\u0148\u015fy döwletleri\u0148 ykdysadyýetini\u0148 ösmegine hem ýardam berýär. “Biz dünýäni\u0148 ösen innowasion tehnologiýalaryna daýanyp, milli ykdysadyýetimizi döwrebapla\u015fdyrýarys, ýurdumyzy hemmetaraplaýyn özgertmekde uly üstünlikleri gazanýarys. Sanly tehnologiýalary\u0148 gurlu\u015fyny, maddy-tehniki, hukuk binýadyny döwrü\u0148 talaplaryna laýyklykda kämille\u015fdirip, düýpli ylmy-tehniki özgertmeleri we iri taslamalary durmu\u015fa geçirýäris” diýip, hormatly Prezidentimiz Gutlagynda belleýär.<\/p>\r\n\r\n

Söwda-senagat edarasyny\u0148 eýwanynda kommunikasiýalar we aragatna\u015fyk ulgamlarynda ýokary tehnologiýalary\u0148 gazananlary bilen tany\u015fdyrýan wideo\u015fekiller görkezildi. So\u0148ra foruma gatna\u015fyjylar sergi bilen tan\u015fyp ba\u015fladylar. Üç günläp dowam etjek sergide maglumat tehnologiýalary, telekommunikasiýalar, telemetriýa, professional ses we wideoýazgy enjamlary, kabel önümleri we beýlekiler görkezilýär. Döwrebap tehnologiýalar häzirki zaman jemgyýetini\u0148 durmu\u015fyny\u0148 aýrylmaz bölegine, milli ykdysadyýeti\u0148 pudaklaryny\u0148 i\u015fini\u0148 netijeliligini ýokarlandyrmagy\u0148 esasy \u015fertlerini\u0148 birine öwrüldi. \u015eo\u0148a görä-de, ýurdumyzda maglumat we aragatna\u015fyk hyzmatlaryny hödürleýän pudagy\u0148 ösdürilmegine uly ähmiýet berilýär. Onu\u0148 netijeli i\u015flemegi beýleki pudaklary\u0148 ösü\u015fine, umumylykda, makroykdysady görkezijilere o\u0148yn täsirini ýetirýär.<\/p>\r\n\r\n

Gi\u0148 gerimli sergide aragatna\u015fyk, telekommunikasiýa pudagynda uzak möhletleýin geljege gönükdirilen döwlet maksatnamalaryny hem-de taslamalary üstünlikli durmu\u015fa geçirýän ýurdumyzy\u0148 aragatna\u015fyk düzümleri we olary\u0148 da\u015fary ýurtly hyzmatda\u015flary öz diwarlyklaryny ýaýba\u0148landyrdylar. Bu kompaniýalar sanly ykdysadyýet, kiberhowpsuzlyk, telekommunikasiýa, maglumat we kompýuter tilsimatlary, hemra aragatna\u015fyk ulgamyny\u0148 enjamlary, aragatna\u015fyk ulgamynda gazanylanlar bilen tany\u015fdyrýar.<\/p>\r\n\r\n

Mälim bol\u015fy ýaly, ýurdumyz telekommunikasiýa we ýokary tizlikli maglumat tehnologiýalar ulgamyny ösdürmek bilen birlikde, döwleti\u0148 hem-de jemgyýeti\u0148 durmu\u015fyny\u0148 ähli ulgamlaryna täzeçil tehnologiýalary orna\u015fdyrmagy ileri tutulýan wezipeleri\u0148 hatarynda goýýar. Bu ugurda halkara hyzmatda\u015flygy i\u015fje\u0148 ösdürmegi maksat edinýär. Türkmenistanda sanly ykdysadyýete geçmek boýunça maksatnamalaýyn wezipeleri durmu\u015fa geçirmekde ygtyýarly edara bolan “Türkmenaragatna\u015fyk” agentligini\u0148 sergi bölüminde ýerle\u015fdirilen uly monitorlarda görkezilýän wideo\u015fekillerde sanly ulgama geçmek, ýokary hilli aragatna\u015fyk, internet hyzmatlaryny üpjün etmek babatda gazanylan üstünlikler beýan edilýär.<\/p>\r\n\r\n

Häzirki döwürde milli telekommunikasiýa ulgamynda halkara ölçeglere laýyk gelýän innowasion sanly tehnologiýalary we maglumat-aragatna\u015fyk enjamlaryny orna\u015fdyrmak i\u015fleri üstünlikli amala a\u015fyrylýar. Bäsde\u015flige ukyply häzirki zaman aragatna\u015fyk hyzmatlaryny ilata hödürlemek boýunça yzygiderli i\u015fler alnyp barylýar. Aragatna\u015fyk edara-kärhanalaryny döretmäge, döwrebapla\u015fdyrmaga düýpli maýa goýumlar gönükdirilýär. Aragatna\u015fyk pudagyny\u0148 gurlu\u015fy, maddy-tehniki, hukuk binýady döwrü\u0148 talaplaryna laýyklykda kämille\u015fdirilip, düýpli ylmy-tehniki özgertmeler, iri taslamalar durmu\u015fa geçirilýär.<\/p>\r\n\r\n

Телефон	+993 (243) 96 2 00 / +993 (243) 96 4 00
Факс	+993 (243) 5 04 90 / +993 (243) 2 11 49
Email	tngizt@tngizt.gov.tm
RSS	RSS